قاہرہ انٹرنیشنل بک فیئر اور ایک عاشق کی سرگزشت "عاشق الكتاب لا يحتاج إلى المال

 قاہرہ انٹر نیشنل بک فیئر اور ایک عاشق کی سرگزشت "عاشق الكتاب لا يحتاج إلى المال"

مصر میں آئے ہوئے آج  دو سال اور نصف کا عرصہ ہوچکا ہے تو ان سب پہلو میں جو عاشق کتاب کے لئے  جو خوشی کا پہلو ہوتا ہے وہ معرض کتاب ہی ہوتا ہے اور معرض کتاب عرب دنیا میں ہوتے رہتے ہیں کچھ دن پھلے اسی طرح کا معرض کتاب مصر میں انتھاء پذیر ہوا۔ 

آگے بڑھنے سے پہلے 

رکئیے ہمارے اس مختصر سفر میں میری طرح چائے کا پیالا ساتھ لانا نہ بھولئیے   یہ ہی تو  ہمارے پاکستانی ہونے کی ان گنت  نشانیوں میں سے ایک نشانی ہے تو آئیے چلتے ہیں اصل موضوع پہ 

مصر کتب میلے کا تاریخی پس منظر

کہا جاتا ہے کہ  

مصر میں معرض کتاب کی ابتداء سنہ 1969میں ہوئی تھی جو مختلف مراحل سے گذرتا ہوا ہو 2006یا  2008 میں دنیا کا  دوسرا سب سے بڑا معرض کتاب ہونے کا اعزاز حاصل کیا جو محنت، لگن اور عشاق کتب کی موجودگی  کا منہ بولتا ثبوت ہے ۔ 

وکی پیڈیا کی خبر کے مطابق صرف 2018 میں ہی تقریبا 45لاکھ لوگوں نے معرض کتاب مصر میں شرکت کی تھی جو ایک بہت بڑی تعداد ہے ، اگر اس سال کی بات کی جائے تو فقط  پبلشرز  کی تعداد 1200 کے قریب بتائی جا رہی ہے  جو 70مختلف ممالک سے تشریف لاکر اس معرض کتاب کو چار چاند لگادئیے۔ 

انتظار کی گھڑیاں اور چائے کا ساتھ

 

تو ہم بھی الترم الأول کے امتحانوں کی پریشانیوں سے چھٹکارا پاکر 26 جنوری کا بے صبری سے انتظار  کر رہے تھے کہتے ہے ناں 

الانتظار أشد من الموت 

انتظار موت سے بھی سخت ترین ہوتا ہے

خدا خدا کہتے ہوئے وہ دن بھی آگیا اور ہم نے بھی صبح  ہی صبح فول اور جبنہ( جو لوگ عرب ممالک خاص کر مصر کو رونق بخشے ہوئے ہیں وہ ان انمول چیزوں سے اچھی طرح واقف ہیں) کی زیارت کرنے کے بعد  کمر کس لی اور معرض کا رخ کرتے ہوئے تقریبا صبح 9:45بجے اپنی منزل مقصود میں  پہنچ گئے۔

 

کتاب  کی تلاش

اور اسی اثنائ میں ایک کتاب عقل شریف میں شہد کی مانند کی طرح گھول رہی تھی جس کے متعلق مارکیٹ میں خبر پھیل چکی تھی کہ اس سال  محدود تعداد کے ساتھ زینت محفل ہے تو ہم چائے کی چسکی کے بنا داخلہ کو حرام سمجھتے ہوئے نشے کے سٹال کی طرف رخ کرتے ہوئے اور عقل کے گھوڑے دوڑاتے ہوئے ساتھ ساتھی نے فیصلہ کیا  کہ آج تو پہلا دن ہے اور صبح کے تو 10 بھی نہیں ہوئے مزے کے ساتھ چائے اور دنیاوی گپ شپ کی لگن میں مصروف عمل ہوگئے

لیکن کتاب کی چاہت اور چاشنی نے چائے کو بے مزہ کردیا اور گفتگو کو بے لطف بنادیا کیونکہ کتاب ہی حدیث کے موضوع پہ تھی اور طالب حدیث بے چین نہ ہو تو کیا ہو اور اوپر سے ختم ہونے کا ڈر  بھی قلب کو مضطرب کرنے کا کوئی  کسر  بھی نہ چھوڑا۔

چائے کو الوداع کہتے ہوئے کتاب کے ہال 3 کے جناح A30  پہ دار الفتح   کی طرف دوڑتے گئے  اور جاتے ہی ایک ہی سوال میزائل کےمانند داغ دیا 

يا أخي عائز كتاب ماهية علوم الحديث لدكتور حمزة البكري

بھائی صاحب ماھیتہ علوم الحدیث کی کتاب چاہیئے جو دکتور کی تالیف ہے ( یہ کتاب فن حدیث میں بہترین ہدیہ ہے مصنف کی طرف سے عشاق مصطلح الحدیث کے لئے )

تو بھائی صاحب نے میزائل کا رخ ہمارے طرف موڑتے ہوئے ہمارے بیچارے  بے قرار دلوں کوزخموں سے  چکنا چور کرتے ہوئے کہا :

معليش انتهت

یعنی معذرت کتاب ختم ہو چکی ہے، ہم حیرانی سے پوچھ رہے تھے آج تو پہلا دن ہے اور صبح کے 10 بھی نہیں بجے تو اس کی طرف حسرت سے دیکھتے ہوئے کہا کہ

تمام سسکیوں کی میں ہائے لایا ہوں

اہل غم بیٹھو میں چائے لایا ہوں

تو ہم  اس صاحب مکتبہ کی بلاغت کو بھاپتے ہوئے سمجھ گئے  اور تحیہ کرلیا   کہ اس سب کے ذمہ دار اور چائے کے صاحب مشورہ  ساتھی پہ  صرف صغیر کی گردان الضرب کا تجربہ کرلیا جائے

ساتھی نے حالات کو بھانتے ہوئے کہا کے جناب عالی 

آپ ہی اس مشورہ والوں میں اول پہ رقم طراز تھے 

تو ہم نے زخمی دل کو حوصلہ دیتے ہوئے کہا کہ

انبوہ اہل زخم تو کب کا گزر چکا

اب رہ گزر پہ خاک میں غلطیدہ کون ہے 

تو ہم زخمی دل سے ساتھ لوٹ رہے تھے کہ

 کسی نے کان نے میں گوش دراز کرتے ہوئے کہا  مولانا اس کی PDF  چاہئے تو میرے پاس ہے یہ سنتے ہی اجڑے دل کو کچھ تسکین ملی اور اپنی گردن شریف کو  تکلیف دیتے ہوئے دیکھا کہ صاحب نے بہت ہی مہنگی کتاب کو ہاتھ میں تھامتے ہوئے مجنون کے مانند کتاب کا رس گھول رہے تھے   تو ہم نے بھی منہ شریف کو صاحب مکتبہ سے چہپاتے ہوئے واٹس اب نمبر دیتے ہوئے کہا کہ مولانا جلدی کیجئے کہیں ایسا نہ ہو کہ  صاحب مکتبہ کی طرف سے ہدیہ ضرب ہی  نا مل جائے کتاب سے پہلے 

 

دیار غیر میں اپنوں کا احساس اور عاشق کتاب

اسی اثناء  میں ایک اور کتاب پہ نظر پڑی تو دل باغ باغ کیوں نہ ہو جب دیار غیر میں اپنوں کی موجودگی کا احساس ہوجائے تو دل کو  قرار آ ہی  جاتاہےمیری مقصود سیدنا مولانا امام مخدوم محمد ھاشم ٹھٹوی عليه الرَّحمة کی کتاب مظهر الأنوار في أحكام الصِّيام جو مولانا محمد جان نعیمی صاحب کی تحقیق سے شائع ہونے والی مایہ ناز کتابوں سے ایک کتاب ہے 

اس کے علاوہ اور بھی بیشمار کتب دیکھ کر دل خوشی سے جھومنے لگا اور البکری صاحب کی کتاب کا غم بھی نا چاہتے ہوئے بھی بھلانا پڑا

کتابوں کی لگن میں اتنے مشغول ہوگئے کہ معلوم نہیں چلا کہ ایک گھنٹے سے زیادہ اسی ایک جناح پہ گذر گیا 

تو ساتھی نے ہنستے ہوئے کہا کہ وہ دیکھو ابھی تک وہ مجنون یعنی صاحب PDF اس ایک کتاب میں لگا ہوا ہے 

قریب جا کر بولا 

اتنی تفتیش صرف ایک کتاب کو لینے کے لئے 

ہاتھوں سے پیسے نہ ہونے کا اشارہ کرتے ہوئےگویا کہ بول بڑا کہ اتنی مہنگی کتاب کو خریدتا کون ہے ہم تو پڑھ لیتے ہیں جہاں ملے جس سے ملے 

چلو اپنی بنائی کو بلاغت کے ایک طرف کرتے ہوئے اس صاحب کے تاریخی جملے کی طرف آتے ہیں 

جو انہوں نے بڑی رنجیدہ سے کہا تھا کہ 

عاشق الكتاب لا يحتاج إلى المال

تو ہم نے بھی یہ جملے سننےکے بعد شرماتے ہوئے گھر کی طرف چل پڑے

✍️ Yar Muhammad Hafiz یار محمد حافظ